25. O atali‘i fo‘i o Elekana; o Amesai ma Akimota.
26. O Elekana; o le fānauga a Elekana; o Sofai lona atali‘i ma Nakato lona atali‘i,
27. o Eliapo lona atali‘i, o Ieroama lona atali‘i, o Elekana lona atali‘i.
28. O atali‘i nei o Samuelu; o Vaseni le ulumatua ma Avia.
29. O le fānauga a Merari; o Maali lona atali‘i, o Lepeni lona atali‘i, o Semi lona atali‘i, o Usa lona atali‘i,
30. o Samea lona atali‘i, o Hakia lona atali‘i, o Asaia lona atali‘i.
31. O i latou nei sa tofia e Tavita e fai pesega i le fale o le ALI‘I, ‘ina ‘ua tumau ai le ‘atola‘au.
32. Na latou ‘au‘auna fo‘i i pese i luma o le malumalu o le fale fetāfa‘i o le fa‘apotopotoga, ‘ina se‘ia faia le fale o le ALI‘I e Solomona i Ierusalema, ‘ona latou tutū ai lea i lo latou faiva e tusa ma o latou tofiga.