27. ‘Ona fetalai ane lea o le ALI‘I i le agelu; ‘ona ia sulu ai lea o lana pelu i lona fa‘amoega.
28. ‘Ua iloa e Tavita i lea aso ‘ua fa‘afofoga mai le ALI‘I ‘iā te ia i le mea e soli ai saito a Aruna le sa Iepusē, ‘ona faitaulaga ai lea o ia i lea mea.
29. Auā o le malumalu o le ALI‘I na faia e Mose i le vao ma le fatafaitaulaga o le taulaga mū, ‘ua i ai i ia ona po i le mea maualuga i Kipeona.
30. A ‘ua lē mafai Tavita ‘ona alu atu i ai e fesili atu i le Atua; auā ‘ua mata‘u o ia ‘ona o le pelu a le agelu a le ALI‘I.