31. ‘Ua iloa e Nikanora ‘ua lē toe lilo lana taupulega, ‘ona tula‘i lea e fa‘afetaia‘i ‘iā Iuta i le tau‘a e lata ane i Kafasalama.
32. Ma ‘ua fasia o tagata pe limagaafe o le itūtau‘a a Nikanora, ‘ona latou sōsōla lea i le ‘a‘ai o Tavita.
33. ‘Ua mavae atu mea ia, ‘ona alu a‘e lea o Nikanora i le mauga o Siona ma ‘ua ulufafo ai ni isi o le ‘au ositaulaga ma le nu‘u e ofo alofa ‘iā te ia ma le filemū ma fa‘aali ‘iā te ia taulaga mū ‘ua molia mo le tupu.
34. Ma ‘ua ula ‘iā te i latou ma le tauemu ma ‘ua fa‘aleaga ‘iā te i latou; ma ‘ua tautala i ‘upu fa‘asausili.