58. Ma ‘ua na ‘auina mai ‘iā te ia o ipu auro mo lana la‘o‘ai ma ‘ua fa‘ataga fo‘i ‘iā te ia le inu i ipu auro ma le fa‘a‘ofu i le ‘ie pauli ma le fai le fa‘amau auro,
59. ma ‘ua na tofia lona uso o Simona e pule e pau mai i Turo e o‘o atu i le lau‘ele‘ele o Aikupito.
60. Ma ‘ua alu Ionatana ma ‘ua fealua‘i i ‘a‘ai e i tala atu o le vaitafe ma ‘ua fa‘apotopoto mai ‘iā te ia o vaega ‘au a Suria e fesoasoani i ai; ma ‘ua alu i Asekelona ma ‘ua fa‘afetaia‘i ‘iā te ia tagata o le ‘a‘ai e fa‘amamalu ai ‘iā te ia.
61. ‘Ona alu ai lea i Kasa, a ‘ua pupuni e tagata Kasa o latou faitoto‘a ma ‘ua na vagaia ma ‘ua susunu ona faoa ‘a‘ai ma ‘ua na vetea.