29. O le loto fuatia ifo ‘ou te fai atu ai, e lē o lo‘u, a o lona.Auā se a le mea e fa‘amasinoina ai lo‘u sa‘olotoga i le loto fuatia ifo o le tasi?
30. O a‘u fo‘i, ‘āfai ‘ou te ‘ai ma le fa‘afetai, se a le mea ‘ua ‘upuleagaina ai a‘u ‘ona o le mea ‘ua ‘ou fa‘afetai atu ai?
31. O lenei, pe tou te ‘a‘ai, pe tou te inu, po o se tasi mea tou te faia, ‘ia ‘outou faia mea uma lava ‘ia vi‘ia ai le Atua.
32. ‘Aua le ‘avea ‘outou ma mea e tautevateva ai Iutaia, po o Eleni, po o le ekalesia a le Atua;
33. fa‘apei o a‘u nei fo‘i, ‘ou te fa‘afiafia atu i tagata uma i mea uma lava, o lo‘o lē sā‘ilia e a‘u so‘u lava lelei, a o le to‘atele, ‘ina ‘ia fa‘aolaina ai i latou.