1. Сам же аз павел молю вы кротостию и тихостию Христовою, иже в лице убо смирен в вас, не сый же у вас дерзаю в вас.
2. Молю же, да не присущ дерзаю надеянием, имже помышляю смети на некия непщующыя нас яко по плоти ходящих.
3. Во плоти бо ходяще, не по плоти воинствуем:
4. оружия бо воинства нашего не плотская, но сильна Богом на разорение твердем: помышления низлагающе,
5. и всяко возношение взимающееся на разум Божий, и пленяюще всяк разум в послушание Христово,
6. и в готовости имуще отмстити всяко преслушание, егда исполнится ваше послушание.