29. и якоже прорече исаиа: аще не бы Господь саваоф оставил нам семене, якоже содом убо были быхом, и якоже гоморру уподобилися быхом.
30. Что убо речем, яко языцы, не гонящии правду, постигоша правду, правду же, яже от веры:
31. израиль же, гоня закон правды, в закон правды не постиже.
32. Чесо ради? Зане не от веры, но от дел закона: преткнушася бо о камень претыкания,
33. якоже есть писано: се, полагаю в сионе камень претыкания и камень соблазна: и всяк веруяй в онь не постыдится.