19. Не еже бо хощу доброе, творю, но еже не хощу злое, сие содеваю.
20. Аще ли, еже не хощу аз, сие творю, уже не аз сие творю, но живый во мне грех.
21. Обретаю убо закон, хотящу ми творити доброе, яко мне злое прилежит.
22. Соуслаждаюся бо закону Божию по внутреннему человеку:
23. вижду же ин закон во удех моих, противу воюющь закону ума моего и пленяющь мя законом греховным, сущим во удех моих.
24. Окаянен аз человек: кто мя избавит от тела смерти сея?