1. Изнемогающаго же в вере приемлите, не в сомнение помышлении.
2. Ов бо верует ясти вся, а изнемогаяй зелия да яст.
3. Ядый не ядущаго да не укаряет: и не ядый ядущаго да не осуждает: Бог бо его прият.
4. Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его.
5. Ов убо разсуждает день чрез день, ов же судит на всяк день. Кииждо своею мыслию да извествуется.