18. не хвалися на ветви: аще ли же хвалишися, не ты корень носиши, но корень тебе.
19. Речеши убо. отломишася ветви, да аз прицеплюся.
20. Добре: неверием отломишася, ты же верою стоиши: не высокомудрствуй, но бойся.
21. Аще бо Бог естественных ветвей не пощаде, да не како и тебе не пощадит.
22. Виждь убо благость и непощадение Божие: на отпадших убо непощадение, а на тебе благость Божия, аще пребудеши в благости: аще ли же ни, то и ты отсечен будеши.
23. И они же, аще не пребудут в неверствии, прицепятся: силен бо есть Бог паки прицепити их.