22. но затвори писание всех под грехом, да обетование от веры Иисус Христовы дастся верующым.
23. Прежде же пришествия веры, под законом стрегоми бехом, затворени в хотящую веру открытися.
24. Темже закон пестун нам бысть во Христа, да от веры оправдимся:
25. пришедшей же вере, уже не под пестуном есмы.
26. Вси бо вы Сынове Божии есте верою о Христе Иисусе:
27. елицы бо во Христа крестистеся, во Христа облекостеся.
28. Несть иудей, ни еллин: несть раб, ни свободь: несть мужеский пол, ни женский: вси бо вы едино есте о Христе Иисусе.
29. Аще ли вы Христовы, убо авраамле семя есте, и по обетованию наследницы.