41. ина слава солнцу, и ина слава луне, и ина слава звездам: звезда бо от звезды разнствует во славе.
42. Такожде и воскресение мертвых: сеется в тление, востает в нетлении:
43. сеется не в честь, востает в славе: сеется в немощи, востает в силе:
44. сеется тело душевное, востает тело духовное. Есть тело душевное, и есть тело духовное.
45. Тако и писано есть: бысть первый человек адам в душу живу, последний адам в дух животворящь.
46. Но не прежде духовное, но душевное, потом же духовное.
47. Первый человек от земли, перстен: вторый Человек Господь с небесе.