1. Видите, какову любовь дал есть Отец нам, да чада Божия наречемся, и будем. Сего ради мир не знает нас, зане не позна его.
2. Возлюбленнии, ныне чада Божия есмы, и не у явися, что будем: вемы же, яко, егда явится, подобни ему будем, ибо узрим его, якоже есть.
3. И всяк имеяй надежду сию нань, очищает себе, якоже он чист есть.
4. Всяк творяй грех, и беззаконие творит: и грех есть беззаконие.
5. И весте, яко он явися, да грехи нашя возмет, и греха в нем несть.
6. Всяк, иже в нем пребывает, не согрешает: всяк согрешаяй не виде его, ни позна его.
7. Чадца, никтоже да льстит вас. Творяй правду праведник есть, якоже он праведен есть.
8. Творяй грех от диавола есть, яко исперва диавол согрешает. Сего ради явися Сын Божий да разрушит дела диаволя.