45. От шестаго же часа тма бысть по всей земли до часа девятаго:
46. о девятем же часе возопи Иисус гласом велиим, глаголя: или, или, лима савахфани? еже есть, Боже мой, Боже мой, вскую мя еси оставил?
47. Нецыи же от ту стоящих слышавше глаголаху, яко илию глашает сей.
48. И абие тек един от них, и приемь губу, исполнив же оцта, и вонзе на трость, напаяше его.
49. Прочии же глаголаху: остави, да видим, аще приидет илиа спасти его.
50. Иисус же, паки возопив гласом велиим, испусти дух.
51. И се, завеса церковная раздрася на двое с вышняго края до нижняго: и земля потрясеся: и камение распадеся:
52. и гроби отверзошася: и многа телеса усопших святых восташа: