22. И абие понуди Иисус ученики своя влезти в корабль и варити его на оном полу, дондеже отпустит народы.
23. И отпустив народы, взыде на гору един помолитися: позде же бывшу, един бе ту.
24. Корабль же бе посреде моря влаяся волнами: бе бо противен ветр.
25. В четвертую же стражу нощи иде к ним Иисус, ходя по морю.
26. И видевше его ученицы по морю ходяща, смутишася, глаголюще, яко призрак есть: и от страха возопиша.
27. Абие же рече им Иисус, глаголя: дерзайте: аз есмь, не бойтеся.