1. И вниде паки в капернаум по днех: и слышано бысть, яко в дому есть.
2. И абие собрашася мнози, якоже ктому не вмещатися ни при дверех: и глаголаше им слово.
3. И приидоша к нему носяще разслабленна (жилами), носима четырми:
4. и не могущым приближитися к нему народа ради, открыша покров, идеже бе, и прокопавше свесиша одр, на немже разслабленный лежаше.
5. Видев же Иисус веру их, глагола разслабленному: чадо, отпущаются тебе греси твои.