13. Рече же к ним: дадите им вы ясти. Они же реша: несть у нас вящше, токмо пять хлеб и рыбе две, аще убо не шедше мы купим во вся люди сия брашна.
14. Беху бо мужей яко пять тысящ. Рече же ко учеником своим: посадите их на купы по пятидесят.
15. И сотвориша тако, и посадиша их вся.
16. Приим же пять хлеб и обе рыбе, воззрев на небо, благослови их, и преломи, и даяше учеником, предложити народу.
17. И ядоша, и насытишася вси: и взяша избывшыя им укрухи кошя дванадесяте.