43. яко приидут дние на тя, и обложат врази твои острог о тебе, и обыдут тя, и оымут тя отвсюду,
44. и разбиют тя и чада твоя в тебе, и не оставят камень на камени в тебе: понеже не разумел еси времене посещения твоего.
45. И вшед в церковь, начат изгонити продающыя в ней и купующыя,
46. глаголя им: писано есть: дом мой дом молитвы есть: вы же сотвористе его пещеру разбойником.
47. И бе учя по вся дни в церкви. Архиерее же и книжницы искаху его погубити, и старейшины людем:
48. и не обретаху, что бы сотворили ему: людие бо вси держахуся его, послушающе его.