12. святый бо Дух научит вы в той час, яже подобает рещи.
13. Рече же ему некий от народа: Учителю, рцы брату моему разделити со мною достояние.
14. Он же рече ему: человече, кто мя постави судию или делителя над вами?
15. Рече же к ним: блюдите и хранитеся от лихоимства: яко не от избытка кому живот его есть от имения его.
16. Рече же притчу к ним, глаголя: человеку некоему богату угобзися нива:
17. и мысляше в себе, глаголя: что сотворю, яко не имам где собрати плодов моих?
18. И рече: се сотворю: разорю житницы моя, и болшыя созижду, и соберу ту вся жита моя и благая моя: