28. Реша же к нему: что сотворим, да делаем дела Божия?
29. Отвеща Иисус и рече им: се есть дело Божие, да веруете в того, егоже посла он.
30. Реша же ему: кое убо ты твориши знамение, да видим и веру имем тебе? что делаеши?
31. отцы наши ядоша манну в пустыни, якоже есть писано: хлеб с небесе даде им ясти.
32. Рече убо им Иисус: аминь, аминь глаголю вам, не моисей даде вам хлеб с небесе, но Отец мой дает вам хлеб истинный с небесе: