14. Вы друзи мои есте, аще творите, елика аз заповедаю вам:
15. не ктому вас глаголю рабы, яко раб не весть, что творит господь его: вас же рекох други, яко вся, яже слышах от Отца моего, сказах вам.
16. Не вы мене избрасте, но аз избрах вас и положих вас, да вы идете и плод принесете, и плод ваш пребудет, да, егоже аще просите от Отца во имя мое, даст вам.
17. Сия заповедаю вам, да любите друг друга.
18. Аще мир вас ненавидит, ведите, яко мене прежде вас возненавиде: