1. Да не смущается сердце ваше: веруйте в Бога, и в мя веруйте:
2. в дому Отца моего обители многи суть: аще ли же ни, рекл бых вам: иду уготовати место вам:
3. и аще уготовлю место вам, паки прииду и поиму вы к себе, да идеже есмь аз, и вы будете:
4. и аможе аз иду, весте, и путь весте.
5. Глагола ему фома: Господи, не вемы, камо идеши: и како можем путь ведети?
6. глагола ему Иисус: аз есмь путь и истина и живот: никтоже приидет ко Отцу, токмо мною: