23. И хождаше Иисус в церкви, в притворе соломони.
24. Обыдоша же его иудее и глаголаху ему: доколе душы нашя вземлеши? аще ты еси Христос, рцы нам не обинуяся.
25. Отвеща им Иисус: рех вам, и не веруете: дела, яже аз творю о имени Отца моего, та свидетелствуют о мне:
26. но вы не веруете, несте бо от овец моих, якоже рех вам:
27. овцы моя гласа моего слушают, и аз знаю их, и по мне грядут:
28. и аз живот вечный дам им, и не погибнут во веки, и не восхитит их никтоже от руки моея: