1. Аминь, аминь глаголю вам: не входяй дверьми во двор овчий, но прелазя инуде, той тать есть и разбойник:
2. а входяй дверьми пастырь есть овцам:
3. сему дверник отверзает, и овцы глас его слышат, и своя овцы глашает по имени, и изгонит их:
4. и егда своя овцы ижденет, пред ними ходит: и овцы по нем идут, яко ведят глас его:
5. по чуждем же не идут, но бежат от него, яко не знают чуждаго гласа.
6. Сию притчу рече им Иисус: они же не разумеша, что бяше, яже глаголаше им.