36. Благонадежни же бывше вси, и тии прияша пищу:
37. бе же в корабли всех душ двесте седмьдесят и шесть.
38. Насыщшеся же брашна, облегчиша корабль, изметающе пшеницу в море.
39. Егда же день бысть, земли не познаваху: недро же некое усмотреша имущее песок, в неже, аще мощно есть, совещаша извлещи корабль.
40. И котвы собравше, везяхуся по морю: купно ослабивше ужя кормилом и воздвигше малое ветрило к дышущему ветрецу, везохомся на край.
41. Впадше же в место исопное, увязиша корабль: и нос убо увязший пребысть недвижимь, кормило же разбивашеся от нужды волн.
42. Воином же совет бысть, да узники убиют, да не кто поплыв избегнет.