14. глаголющий шестому ангелу имеющу трубу: разреши четыри ангелы связаны при реце велицей евфрат.
15. И разрешени быша четыри ангели уготовани на час и день, и месяц и лето, да избиют третию часть человек.
16. И число воинов конных две тме тем: и слышах число их.
17. И тако видех в видении кони, и седящыя на них имущыя броня огненны и иакинфовы и жупелны: и главы конем (их) яко главы львом, и из уст их исхождаше огнь и дым и жупел.
18. И от триех язв сих погибе третия часть человеков, от огня и от дыма и от жупела, исходящих из уст их:
19. область бо коней во устех их бе, и ошиби их подобни змием, имуще главы и теми пакости деюще.