1. Syng for Herren, syng ein ny song.Syng for Herren, all jorda!
2. Syng for Herren, velsign hans namn.Forkynn hans frelse frå dag til dag!
3. Fortel mellom folkeslag om hans herlegdom,mellom alle folk om hans under!
4. For Herren er stor og verdig lov og pris,verd å frykta meir enn alle gudar.
5. Alle gudane til folka er avgudar.Det var Herren som skapte himmelen.
6. Høgd og herlegdom er framfor han,makt og glans i hans heilagdom.
7. Gjev Herren ære, de folk og slekter,gjev Herren ære og makt!
8. Gjev Herren den ære hans namn skal ha.Kom til hans føregardar med gåver!
9. Bøy dykk for Herren i heilag prakt.Skjelv for han, all jorda!