46. Då han fann ei svært verdfull perle, gjekk han bort og selde alt det han eigde, og kjøpte henne.
47. Like eins er himmelriket likt ei dragnot som vart sett i sjøen og fanga fisk av alle slag.
48. Då ho var full, drog fiskarane henne opp på stranda. Så sette dei seg ned og samla den gode fisken i kar, men den ubrukelege kasta dei ut.
49. Slik skal det gå når enden på verda kjem. Englane skal fara ut og skilja dei vonde frå dei rettferdige
50. og kasta dei i eldomnen, der dei græt og skjer tenner.
51. Har de skjøna alt dette?» «Ja», svara dei.
52. Då sa han til dei: «Difor er kvar skriftlærd som har vorte læresvein av himmelriket, lik ein husherre som hentar fram nytt og gammalt av det han har samla.»
53. Då Jesus var ferdig med å fortelja desse likningane, drog han derifrå
54. og kom til heimstaden sin. Der underviste han folket i synagogen deira så dei vart fulle av undring og spurde: «Kvar har han denne visdomen og desse mektige gjerningane frå?
55. Er ikkje dette son til tømmermannen? Heiter ikkje mor hans Maria? Er ikkje brørne hans Jakob og Josef og Simon og Judas?