8. Sjå til at ingen får fanga dykk med visdomslære og tomt bedrag som kjem frå menneskelege overleveringar, frå grunnkreftene i verda og ikkje frå Kristus.
9. For i hans kropp bur heile guddomsfylden,
10. og i han, som er hovudet for alle makter og åndskrefter, har de fått denne fylden.
11. I han vart de òg omskorne, men ikkje av menneskehender. De vart omskorne med Kristi omskjering då de la av den kroppen som kjøtet har makta over.