22. Israelittane drap òg spåmannen Bileam, son til Beor, med sverd, saman med alle dei andre.
23. Jordan var grensa for området til rubenittane. Dette var eigedomen til rubenittane, slekt for slekt, med byar og landsbyar.
24. Moses gav land til Gad-stammen, altså gadittane, slekt for slekt.
25. Dei fekk området Jaser, alle byane i Gilead og halvparten av landet til ammonittane heilt til Aroer, som ligg midt imot Rabba,
26. området frå Hesjbon til Ramat-Hammispe og Betonim og frå Mahanajim til Debir-distriktet,
27. og i dalen fekk dei Bet-Haram, Bet-Nimra, Sukkot og Safon, det som var att av riket til Sihon, kongen i Hesjbon. Jordan utgjorde grensa, frå enden av Kinneret-sjøen, aust for Jordan.
28. Det var landet til gadittane, slekt for slekt, med byar og landsbyar.
29. Moses gav land til halvparten av stammen til Manasse, halve Manasse-stammen, slekt for slekt.
30. Området deira strekte seg frå Mahanajim og omfatta heile Basan, heile riket som hadde tilhøyrt Og, kongen i Basan, og alle teltbyane i Ja'ir i Basan, seksti byar i alt,