1. Pilatus tok no Jesus og lét dei piska han.
2. Soldatane fletta ei klungerkrone og sette på hovudet hans og hadde på han ei purpurkåpe.
3. Så steig dei fram for han og sa: «Ver helsa, jødekonge!» Og dei slo han i andletet.
4. På nytt gjekk Pilatus ut av borga og sa til folket: «No fører eg han ut til dykk, så de skal skjøna at eg ikkje finn skuld hos han.»
5. Så kom Jesus ut, med klungerkrona og purpurkåpa på. Og Pilatus seier til dei: «Sjå det mennesket!»
6. Men då overprestane og vaktmennene fekk sjå han, ropa dei: «Krossfest! Krossfest!» Pilatus seier til dei: «Ta de og krossfest han! Eg finn inga skuld hos han.»