22. Dei drog opp gjennom Negev og kom til Hebron. Der budde anakittane Ahiman, Sjesjai og Talmai. – Hebron var bygd sju år før Soan i Egypt.
23. Då dei kom til Esjkol-dalen, skar dei av ei vinranke med ein drueklase. To mann bar han på ei stong. Dei tok òg granateple og fikenar.
24. Den staden vart kalla Esjkol-dalen, etter den drueklasen som israelittane skar av der.
25. Då det var gått førti dagar, vende dei attende etter å ha utforska landet.