3. Då vart Josjafat redd, og han vende seg til Herren for å spørja han til råds. Så ropa han ut ei faste over heile Juda.
4. Judearane samla seg og ville spørja Herren til råds. Frå alle Juda-byane kom dei for å be Herren om råd.
5. Josjafat steig fram i forsamlinga av folk frå Juda og Jerusalem, i Herrens hus, framfor den nye føregarden,
6. og sa: Herre, våre fedrars Gud!Det er du som er Gud i himmelen,og som rår over alle kongerika til folkeslaga!I di hand er makt og velde,og ingen kan stå seg mot deg.
7. Du, vår Gud,dreiv ut dei som budde i dette landetfor Israel, folket ditt,og du gav ætta til Abraham, venen din, landet for alltid.