15. Då det leid til kvelds, kom læresveinane til han og sa: «Det er audt her, og dagen lid. Send folket frå deg, så dei kan gå bort i landsbyane og kjøpa seg mat.»
16. «Dei treng ikkje gå herifrå,» sa Jesus, «gjev de dei mat!»
17. «Vi har ikkje meir enn fem brød og to fiskar,» svara dei.
18. Då sa Jesus: «Kom hit til meg med det!»
19. Så baud han folket setja seg i graset. Og han tok dei fem brøda og dei to fiskane, såg opp mot himmelen og bad takkebøna. Så braut han brødet og gav det til læresveinane, og læresveinane gav det til folket.