21. På vegen møtte dei ein mann som kom inn frå landet, Simon frå Kyréne, far til Aleksander og Rufus; honom tvinga dei til å bera krossen hans.
22. Dei førte Jesus til den staden som heiter Golgata, det tyder Hovudskallen.
23. Der baud dei han vin med myrra i, men han ville ikkje ha det.
24. Så krossfeste dei han. Kleda hans skifte dei mellom seg og kasta lodd om kva kvar skulle ha.
25. Det var ikring den tredje timen dei krossfeste han.
26. Og innskrifta med klagemålet mot han lydde: «Kongen over jødane».
27. Saman med Jesus krossfeste dei to røvarar, ein på høgre og ein på venstre sida hans.