1. Ein sabbat bar det så til at Jesus gjekk gjennom ein kornåker, og læresveinane reiv av aks, gneid dei mellom hendene og åt.
2. Då sa nokre av farisearane: «Kvifor gjer de slikt som ingen har lov til å gjera på sabbaten?»
3. Jesus svara: «Har de ikkje lese kva David gjorde den gongen han og mennene hans var svoltne?
4. Han gjekk inn i Guds hus, tok skodebrøda og åt og gav dei som fylgde han. Og dei brøda er det berre prestane som har lov å eta.»
5. Og Jesus sa til dei: «Menneskesonen er herre over sabbaten.»