23. Mannen vart sturen då han høyrde det, for han var svært rik.
24. Då Jesus såg det, sa han: «Kor vanskeleg det er for dei som eig mykje, å koma inn i Guds rike!
25. Det er lettare for ein kamel å gå gjennom eit nålauga enn for ein rik å koma inn i Guds rike.»
26. «Kven kan då verta frelst?» sa dei som høyrde på.
27. Han svara: «Det som er umogeleg for menneske, er mogeleg for Gud.»
28. Då sa Peter: «Kva så med oss, som har gått ifrå alt vårt og fylgt deg?»
29. Jesus svara: «Sanneleg, det seier eg dykk: Ingen har skilt seg med hus eller kone eller sysken eller foreldre eller born for Guds rike skuld