1. Herrens ord kom til meg, og det lydde så:
2. Menneske, vend deg mot Gog i Magog-landet, storfyrsten over Mesjek og Tubal. Tal profetord mot han
3. og sei:Så seier Herren Gud: Sjå, eg kjem imot deg, Gog, storfyrste over Mesjek og Tubal.
4. Eg fører deg ikring og set krokar i kjakane dine. Så lèt eg deg dra ut med heile din hær, med hestar og ryttarar, fint kledde alle i hop, ein veldig flokk med store og små skjold, og alle væpna med sverd.
5. Folk frå Persia, Nubia og Put er med dei; alle saman har skjold og hjelm.
6. Gomer og alle hans fylkingar, Togarma-folket lengst i nord og alle deira fylkingar, mange folk er med deg.
7. Bu deg og gjer deg klar, du og alle dine skarar som er samla hjå deg. Du skal vakta dei.