9. Denne bustaden og alt det som høyrer til i han, skal de i alle måtar laga etter det førebiletet eg vil syna deg.
10. Du skal laga ei kiste av akasietre, to og ei halv alen lang, halvanna alen brei og halvanna alen høg.
11. Kled henne med reint gull både innvendes og utvendes, og set ein gullkant ikring henne!
12. Støyp fire gullringar og fest dei i dei fire føtene på kista, to på kvar side!
13. Lag så stenger av akasietre, kled dei med gull,
14. og smøy dei inn i ringane på sidene av kista! Desse stengene skal de bera henne med.