3. Og alle menn i Israel samla seg hjå kongen på høgtida i den sjuande månaden.
4. Då alle dei eldste i Israel var komne, tok levittane paktkista
5. og bar henne opp, og like eins møteteltet og alle dei heilage kara som var i teltet. Det var levittprestane som bar dei.
6. Kong Salomo stod framfor kista saman med heile Israels-lyden, som hadde samla seg hjå han. Og dei ofra småfe og storfe i slik mengd at ingen kunne telja eller rekna dei.
7. Så bar prestane Herrens paktkiste og sette henne der ho skulle stå, i det inste tempelromet, i Det høgheilage, under vengene på kjerubane.