9. Presten svara: «Jau, sverdet åt filistaren Goliat, som du slo i hel i Terebintedalen, heng bak efoden, sveipt i eit klede. Vil du ha det, så ta det! Det er ikkje noko anna sverd her.» David sa: «Det finst ikkje maken til det; lat meg få det!»
10. Same dagen tok David ut og rømde for Saul. Og han kom til Akisj, kongen i Gat.
11. Mennene åt Akisj sa til han: «Er ikkje dette David, kongen i landet? Var det ikkje han kvinnene song om medan dei dansa:Saul felte fiendar i tusental,men David i titusental?»
12. David merka seg vel det dei sa, og han var svært redd for Akisj, kongen i Gat.
13. Difor skapte han seg galen og slo seg vill når dei kom nær han; han tromma på portdørene og sikla i skjegget.