7. Kom heim med noko vilt, lag ein god rett og lat meg eta, så vil eg velsigna deg for Herrens åsyn før eg døyr!
8. Lyd no meg, guten min, og gjer det eg byd deg!
9. Gå bort til småfeet og henta to fine kje, så skal eg laga ein god rett åt far din av det slaget han likar.
10. Den skal du bera inn til far din, så han kan eta og velsigna deg før han døyr.»
11. Då sa Jakob til mor si: «Du veit Esau, bror min, er loden, og eg er snau.
12. Kanskje far kjenner på meg. Så trur han at eg vil halda han for narr, og eg fører forbanning over meg i staden for velsigning.»