5. fanst det ikkje ein busk på jorda, og endå hadde ikkje eit grønt strå runne. For Herren Gud hadde ikkje late det regna på jorda, og det var ikkje menneske til å dyrka marka.
6. Men så braut ei kjelde fram or jorda og vatna heile marka.
7. Og Herren Gud skapte mannen av mold frå marka og bles livsande inn i nasen hans, så mannen vart til ein levande skapning.
8. Herren Gud planta ein hage i Eden, ein stad i aust. Der sette han mannen han hadde skapt.
9. Og Herren Gud lét alle slag tre veksa opp or jorda, herlege å sjå på og gode å eta av, og midt i hagen livsens tre og det treet som gjev kunnskap om godt og vondt.
10. Ei elv gjekk ut frå Eden. Ho vatna hagen og delte seg sidan i fire greiner.