19. Har vi berre for dette livet sett vår von til Kristus, då er vi ynkelegare enn alle menneske.
20. Men no er Kristus oppstaden frå dei døde; han er fyrstegrøda av dei som er avsovna.
21. Fordi døden kom ved eit menneske, så er òg oppstoda av døde komen ved eit menneske.
22. For liksom alle døyr på grunn av Adam, skal alle få liv ved Kristus.
23. Men kvar til si tid: Kristus er den fyrste; deretter fylgjer dei som høyrer Kristus til, når han kjem.
24. Så kjem enden, når han overgjev kongsmakta til Gud, Faderen, etter at han har gjort ende på all makt og alt herredøme og velde.
25. For han skal vera konge til Gud har «lagt alle fiendar under hans føter».
26. Den siste fienden som vert tynt, er døden.