17. Men har ikkje Kristus stått opp, då er trua dykkar gagnlaus, og de er enno i syndene dykkar.
18. Då er òg dei fortapte som er avsovna i trua på Kristus.
19. Har vi berre for dette livet sett vår von til Kristus, då er vi ynkelegare enn alle menneske.
20. Men no er Kristus oppstaden frå dei døde; han er fyrstegrøda av dei som er avsovna.
21. Fordi døden kom ved eit menneske, så er òg oppstoda av døde komen ved eit menneske.
22. For liksom alle døyr på grunn av Adam, skal alle få liv ved Kristus.
23. Men kvar til si tid: Kristus er den fyrste; deretter fylgjer dei som høyrer Kristus til, når han kjem.