32. သင်တို့တဲစားခန်းချရာအရပ်ကိုရှာ၍ သင်တို့သွားလတံ့သောလမ်းကို ပြခြင်းငှါ၊ ညဉ့်ခါမီး၌၎င်း၊ နေ့အခါမိုဃ်းတိမ်၌၎င်း၊
33. သင်တို့ရှေ့မှာကြွတော်မူသော သင်တို့ဘုရားသခင်ထာဝရဘုရား၏ စကားတော်ကို ထိုအမှု၌သင်တို့မယုံကြပါတကား။
34. သင်တို့စကားသံကို ထာဝရဘုရားကြား၍မျက်တော်ထွက်လျက်၊
35. သူတို့ဘိုးဘေးတို့အားငါပေးမည်ဟု ငါကျိန်ဆိုသောပြည်ကောင်းကို၊ ယေဖုန္နာ၏သားကာလက်မှတပါး၊ ဤဆိုးသောလူမျိုးတစုံတယောက်မျှ ဆက်ဆက်မမြင်ရ။
36. ထိုသူသည် ထာဝရဘုရားနောက်တော်သို့ လုံးလုံးလိုက်သောကြောင့်မြင်ရ၏။ သူနင်းသောပြည်ကို သူမှစ၍သူ၏သားမြေးတို့အားငါပေးမည်ဟု ကျိန်ဆိုတော်မူ၏။
37. သင်တို့အတွက် ထာဝရဘုရားသည် ငါ့ကိုလည်းအမျက်တော်ထွက်၍၊ သင်သည်ထိုပြည်သို့မဝင်စားရ။
38. သင့်လက်ထောက် နုန်၏သားယောရှုသည်ဝင်စားရမည်။ သူသည် ဣသရေလအမျိုးသား အမွေခံစေမည့်သူဖြစ်သောကြောင့်၊ သူ့ကိုအားပေးလော့။
39. ရန်သူလုယူရာဖြစ်မည်ဟု သင်တို့ဆိုသောသူငယ်များ၊ ထိုအခါ ကောင်းမကောင်းကို ပိုင်းခြားမသိနိုင်သေးသော သားသမီးများတို့သည် ထိုပြည်ကို ဝင်စား၍၊ ငါပေးသည်အတိုင်းသိမ်းယူကြလိမ့်မည်။