7. နက်ဖြန်နေ့၊ ထာဝရဘုရားရှေ့တော်၌ မီးနှင့်လောဗန်ကိုတင်ကြလော့။ ထိုအခါ ထာဝရဘုရားရွေးကောက်တော်မူသောသူသည်၊ သန့်ရှင်းသောသူဖြစ်စေ။ အိုလေဝိသားတို့၊ သင်တို့သည် အမှုတော်ကိုစောင့်လွန်းကြသည်ဟု ဆိုလေ၏။
8. တဖန်မောရှေက၊ အိုလေဝိသားတို့၊ နားထောင်ကြပါလော့။
9. သင်တို့သည် ထာဝရဘုရား၏တဲတော်အမှုကိုဆောင်ရွက်၍၊ ပရိသတ်ရှေ့မှာ ရပ်လျက်၊ သူတို့အမှုကိုလည်း စောင့်စေမည်အကြံရှိတော်မူသည်နှင့်၊ ဣသရေလ အမျိုး၏ဘုရားသခင်သည်၊ သင်တို့ကိုအနီးအပါးသို့ခေါ်၍ နေရာချခြင်းငှါ၊ ဣသရေလအမျိုးပရိသတ်နှင့် ခွဲထား၍၊
10. သင့်ကို၎င်း၊ သင့်ညီအစ်ကိုလေဝိသားအပေါင်းတို့ကို၎င်း၊ အနီးအပါး၌ နေရာချတော်မူသောကျေးဇူးတော်ကို မထီမဲ့မြင်ပြု၍၊ ယဇ်ပုရောဟိတ်အရာကိုလည်း ရှာကြသည်တကား။