10. လယ်ယာများသည်ကောက်ပင်ကင်းလျက်နေ၏။ဂျုံဆန်များသည်ပျက်စီး၍စပျစ်သီးများမှာခြောက်သွေ့ကုန်လျက်၊သံလွင်ပင်များသည်ညှိုးနွမ်းသွားကြ၏။ထို့ကြောင့်မြေကြီးသည်ငိုကြွေးမြည်တမ်းလေတော့၏။
11. အချင်းလယ်သမားတို့ဝမ်းနည်းပူဆွေးကြလော့။ဂျုံစပါးမုယောစပါးမှစ၍အသီးအနှံရှိသမျှတို့သည်ပျက်စီးသွားလေပြီ။ထို့ကြောင့်အချင်းစပျစ်ဥယျာဉ်မှူးတို့ငိုကြွေးကြလော့။
12. စပျစ်နွယ်ပင်များနှင့်သဖန်းပင်တို့သည်ညှိုးနွမ်းခြောက်သွေ့ကြလေပြီ။သီးပင်မှန်သမျှတို့သည်ညှိုးနွမ်း၍သေကြလေကုန်ပြီ။လူတို့မှာလည်းပျော်ရွှင်မှုမရှိတော့ပေ။
13. ယဇ်ပလ္လင်အမှုတော်ဆောင်အချင်းယဇ်ပုရောဟိတ်တို့၊လျှော်တေကိုဝတ်၍ငိုကြွေးကြလော့။ငါ၏ဘုရားသခင်ရှေ့အမှုတော်ဆောင်တို့ဗိမာန်တော်သို့ဝင်၍ညဥ့်လုံးပေါက်ငိုကြွေးမြည်တမ်းကြလော့။သင်တို့၏ဘုရားသခင်အားပူဇော်ရန်ဂျုံဆန်နှင့်စပျစ်ရည်များမရှိတော့ပြီ။
14. အစာရှောင်ကြရန်အမိန့်များကိုထုတ်ပြန်ကာလူထုစည်းဝေးပွဲတစ်ရပ်ကိုကျင်းပကြလော့။သင်တို့ဘုရားသခင်ထာဝရဘုရား၏ဗိမာန်တော်တွင်ခေါင်းဆောင်များနှင့်၊ယုဒပြည်သားအပေါင်းကိုစုဝေးစေပြီးလျှင်၊ကိုယ်တော်၏ထံတော်သို့ဟစ်အော်ကြလော့။