1. ဤဗျာဒိတ်တော်သည်ပေသွေလ၏သားယောလအား ထာဝရဘုရားပေးတော်မူသည့်ဗျာဒိတ်တော်ဖြစ်၏။
2. အချင်းအသက်ကြီးသူတို့ငါပြောသည်ကိုအာရုံစိုက်ကြလော့။ယုဒပြည်သူအပေါင်းတို့နားထောင်ကြလော့။သင်တို့ခေတ်၌သော်လည်းကောင်းသင်တို့ဘိုးဘေးများ၏ခေတ်၌သော်လည်းကောင်း၊ဤအမှုအရာမျိုးဖြစ်ပျက်ဖူးသလော။
3. ဤအချင်းအရာကိုသင်တို့၏သားသမီးများအား ပြောကြားကြလော့။သူတို့သည်မိမိတို့သားသမီးများအားပြောကြားလျက်၊ထိုသားသမီးများကလည်းနောင်တစ်ခေတ်မှလူတို့အားပြောကြားကြလိမ့်မည်။
4. ကျိုင်းကောင်များသည်တစ်အုပ်ပြီးတစ်အုပ်ကောက်ပဲသီးနှံများအပေါ်သို့သက်ဆင်းကြ၏။ကျိုင်းကောင်တစ်အုပ်စား၍ကြွင်းသောအရာကိုအခြားတစ်အုပ်ကစားကြလေသည်။