6. ကိုယ်တော်ရှင်အားရှိမခိုး၊ဝတ်မပြုသည့်လူမျိုးတို့အားလည်းကောင်း၊ကိုယ်တော်ရှင်ထံဆုတောင်းပတ္ထနာမတောင်းမလျှောက် သူတို့အားလည်းကောင်းအမျက်ထွက်တော်မူပါ။
7. ထိုသူတို့သည်ကိုယ်တော်ရှင်၏လူစုတော်ကို သတ်ဖြတ်ကြပါပြီ။ပြည်တော်ကိုလည်းယိုယွင်းပျက်စီးစေကြပါပြီ။
8. ဘိုးဘေးတို့၏အပြစ်များအတွက်ကျွန်တော်မျိုးတို့အားဒဏ်ခတ်တော်မမူပါနှင့်။ယခုကျွန်တော်မျိုးတို့ကိုသနားတော်မူပါ။ကျွန်တော်မျိုးတို့သည်မျှော်လင့်ရာမဲ့လျက် ရှိကြပါ၏။
9. အို ဘုရားသခင်၊ကျွန်တော်မျိုးတို့ကိုကူမတော်မူပါ။ ကယ်မတော်မူပါ။ကိုယ်တော်ရှင်၏နာမတော်ကိုထောက်၍ ကျွန်တော်မျိုးတို့ကိုကယ်ဆယ်တော်မူ၍ကျွန်တော်မျိုးတို့၏အပြစ်များကို ဖြေလွှတ်တော်မူပါ။
10. ``သင်တို့၏ဘုရားသည်အဘယ်မှာနည်း'' ဟုလူမျိုးတကာတို့သည်အဘယ်ကြောင့် မေးရကြပါမည်နည်း။ကိုယ်တော်ရှင်၏အစေခံတို့၏သွေးကိုသွန်သည့် လူမျိုးတို့အားအပြစ်ဒဏ်ခတ်တော်မူသည်ကိုကျွန်တော်မျိုးတို့မြင်ရကြပါစေသော။